Jou een-stop vir
finansiële blog.

IN EENVOUDIGE, VERSTAANBARE AFRIKAANS.

Oor My

Haai! Welkom hier.

Skink ‘n koffie en kom ons gesels enige iets en alles F I N A N S I E S.

Ek is Lindie: ‘n doodgewone twintigs-iets mens wat verstaan en ook al voorheen die sente moes omdraai vir ‘n derde keer.  Ek het gedink hierdie is die perfekte manier om my liefde vir skryf, mense, bemagtiging, kennis en geldsake bymekaar te bring; alles oor ‘n lekker beker koffie.

Ek het die volgende kwalifikasies (en so bietjie skryfkursusse en ervaring) om my toe te rus om jou te help:

          BCom in Beleggingsbestuur

          BCom Honneurs in Beleggingsbestuur

          Meesters (MCom) in Finansiële Wetenskappe

          Nagraadse Diploma in Finansiële Beplanning

Gedurende my studies, werk en ekstra klasse aanbied het ek agter gekom dat daar ‘n wesenlike behoefte is aan finansiële opvoeding in maklike, verstaanbare Afrikaans. Die probleem is baie keer nie dat mense nie wil leer wat aan gaan in hulle geldsake nie, maar dat dit net so moeilik verduidelik word dat hulle tou ingooi nog voordat hulle begin het. Kennis is mag. Bemagtig jouself en bereik finansiële vryheid. Vra die vrae wat jy het sodat ons daarop kan fokus om materiaal te skep wat jou actually sal help en wat jy wíl lees.

Ek wil probeer om hierdie gaping te vul hetsy deur middel van blogs, videos, oor koffies of met behulp van templates en modelle om jou lewe makliker te maak. Daar is min dinge so bevredigend en bevrydend soos ‘n oorskot in jou bankrekening aan die einde van die maand of die wete dat daardie onbeplande uitgawe aan jou kar nie slapelose nagte gaan veroorsaak nie. Dan is die af en toe se bederf met ‘n wegneemkoffie nie belaai met skuldgevoel nie.

Daarsy! Dis ek. Ek sien uit na ons journey.

Haal asem. Finansies is nié bo jou vuur maak plek nie. Ons het hierdie.

Wie is jy en wat is jou vrae?

Oor en uit.

L xx

 

 

Kontak my

Kontak my gerus as jy enige vrae of onsekerhede het. Sommer ook as jy ‘n cool idee het of weet van lekker koffie wat ek moet gaan uittoets. Ek sien uit om van jou te hoor!

Jy kan sommer die vorm hieronder ook in vul as jy wil.

Kontaknommer: +2782 495 2571

E-posadres: kontak@bankbeter.co.za

 

Vrywaring:


Alhoewel daar redelike stappe geneem is om seker te maak die inligting is akkuraat, kan die skrywers nie verantwoordelik gehou word vir enige foute nie.

 

Enige inligting op of deur  www.bankbeter.co.za word verskaf as algemene inligting/opinies en vorm nie deel van finansiële, belasting, regs of ander advies/raadgewing nie. Die webtuiste/inligting se gebruik daarvan vind plaas op jou eie risiko.